კოლექციის შესახებ

კაპანდიბი, ხელვაჩაური

შემთხვევითი აღმოჩენა

ზომა: 8X5 სმ

ოქრო, ძოწი, ცისფერი პასტა

დამზადებულია მთლიანი ფირფიტისაგან. ქვედა ნახევარი ოთხკუთხა მოყვანილობისაა, ზედა - ტოლფერდა სამკუთხედის. გვერდებს შემოუყვება ცრუგავარსით დაფარული მავთულები. შემკულია ორმაგი ვოლუტისებრი გამოსახულებებით. ცენტრალურ ნაწილში, კბილანა თვალბუდეში ოვალური მოყვანილობის, მოზრდილი ზომის თვალია ჩასმული. თავისუფალი არე შევსებულია ვარდულებით, რომბებით, სამკუთხედებითა და მარცვლებით. სამკუთხედის ცენტრალურ გამოსახულებას წარმოადგენს სადა ბუდეში ჩასმული ცისფერი პასტის ექვსსხივა ვარსკვლავი. აქაც თავისუფალი არე შევსებულია მარცვლებით, სამკუთხედითა და უფრო მეტად ვარდულებით. სამკუთხედის მარჯვენა ფერდზე დასმულია ჩიტის გამოსახულება (მეორე ცითი დაკარგულია).

ბათუმის არქეოლოგიური მუზეუმის კოლექცია ინვ. № VI: 06-94/2;

ბიბლიოგრაფია:

კახიძე ამირან, შალიკაძე თამარი და ფარტენაძე თამარი, ბათუმის არქეოლოგიური მუზეუმის განძი, კატალოგი, ბათუმი, 2015: 54-55, სურ. 70.

გაზიარება