კოლექციის შესახებ

ნინო ნიჟარაძე - ფერწერა, გრაფიკა, თეატრალურ-დეკორაციული მხატვრობა. სწავლობდა თბილისის სამხატვრო აკადემიის სახვითი  ხელოვნების ფაკულტეტზე, კინოსა და ტელევიზიის მხატვრობის განხრით, გამოჩენილი ოსტატების ვალენტინ შუხაევის და დიმიტრი თაყაიშვილის სახელოსნოში (1965-71). მუშაობს პეიზაჟის და ნატურმორტის ჟანრში, ქმნის სიუჟეტურ კომპოზიციებს. სურათზე გამოსახულია დახვეწილი ნატურმორტი. მაგიდაზე გადაფარებულ ორნამენტულ ხალიჩაზე დალაგებულია სხვადასხვა საგნები -  გრამოფონის მოოქროსფრო რუპორი, მოლურჯო-მონაცრისფრო კორსეტით შემოსილი მანეკენი და მწვანე მინის ლარნაკი ლუნარიის ყვავილებით. კომპოზიცია გამოირჩევა დეკორატიულობით, ესთეტიკური გამომსახველობით, რაც მნახველს ამაღლებულ განწყობილებას უქმნის.

გაზიარება