მუზეუმის შესახებ

ილია ჭავჭავაძის მუზეუმი წარმოადგენს  ხარიტონ ახვლედიანის სახელობის მუზეუმის ფილიალს და მდებარეობს ქალაქ ბათუმში გრიბოედოვის ქუჩაზე (#5) ის 2001 წელს დაარსდა. 2021 წლის 1 აპრილს ილია ჭავჭავაძის სახელობის რეაბილიტირებული მუზეუმი გაიხსნა .მუზეუმში წარმოდგენილია ცნობილი ქართველი მწერლისა და საზოგადო მოღვაწის – ილია ჭავჭავაძის ცხოვრებასა და მოღვაწეობასთან დაკავშირებული ფოტო  და დოკუმენტური მასალა, ფერწერული ტილოები, სკულპტურული ნამუშევრები, ყოფისა და ეთნოგრაფიის ამსახველი ნივთები, იმ დროს მოღვაწე მწერალთა და საზოგადო მოღვაწეთა პირადი ნივთები.