კოლექციის შესახებ

ზურა კოჩალიძე -  ფერწერა, გრაფიკა. სწავლობდა თბილისის სამხატვრო აკადემიის სახვითი ხელოვნების ფაკულტეტზე დაზგური გრაფიკის სპეციალობით გამოჩენილი მხატვრების დინარა ნოდიას და დიმიტრი ერისთავის სახელოსნოში (1985-92). მუშაობს პორტრეტის, პეიზაჟის, ნატურმორტის ჟანრში. ტილოს მოთეთრო-მორუხო ნეიტრალურ ფონზე რეალისტური სიცხადით დაწერილი ხის მოლბერტია გამოსახული, რომელზეც მსგავსი  ტონალური შეფერილობით დამუშავებული სურათი დევს. მასზე აღბეჭდილი ხის შავი ტოტები და ფრინველები ერთგვარი გრაფიკული მკაფიოებით არის ნაჩვენები. საინტერესო კომპოზიციური ჩანაფიქრი ნამუშევარს ორიგინალურ გამომსახველობას ანიჭებს.

გაზიარება