23 მაისს, ძმები ნობელების ტექნოლოგიურ მუზეუმში , ქართველი კინოდრამატურგის სულიკო ჟღენტის 97 წლის იუბილესთან დაკავშირებით, ხელოვნებათმცოდნეობის დოქტორ ოლიკო ჟღენტთან შეხვედრა გაიმართა, შეხვედრაზე ისაუბრეს სულიკო ჟღენტის შემოქმედებასა და ღვაწლზე. სულიკო ჟღენტი საქართველოს ხელოვნების დამსახურებული მოღვაწეა. კინოდრამატურგს საუკეთესო სცენარების შექმნისათვის მიღებული აქვს სხვადასხვა პრემია, ღირსების ორდენი , საპატიო მოქალაქის წოდება. ბათუმში მალე სულიკო ჟღენტის ქართული კინოს მუზეუმის გახსნა იგეგმება.