Adjara Museums

ახალი ამბები

ღონისძიებები

გიორგი მაზნიაშვილი -დაუმარცხებელი გენერალი

18 მარტი 2019, 15:33

აღწერა

19 მარტს, 15 საათზე, ბათუმში, მაზნიაშვილისა და ფარნავაზ მეფის ქუჩების გადაკვეთასთან, ღია ცის ქვეშ, გაიმართება ბათუმისათვის ბრძოლის 98-ე წლისთავისადმი მიძღვნილი ღონისძიება - ,,მაზნიაშვილი - დაუმარცხებელი გენერალი“.
გამოფენილი იქნება მაზნიაშვილსა და მის თანამებრძოლებთან დაკავშირებული სამუზეუმო ექსპონატები და ფოტომასალა ბათუმის, ქუთაისის და კასპის მუზეუმებიდან. ღონისძიებას მუსიკალურად გააფორმებს სასულე ორკესტრი, შესრულდება რამდენიმე ქართული სამხედრო მარში.
ღონისძიებასთან დაკავშირებით ბათუმს ეწვევიან ქუთაისის ნიკო ბერძენიშვილის სახელობის მუზეუმის და კასპის მუნიციპალიტეტის მუზეუმთა გაერთიანების წარმომადგენლები , რომლებიც ჩამოიტანენ გიორგი მაზნიაშვილთან დაკავშირებულ ექსონატებს.

რუკა

დაჯავშნა

გაზიარება

თამარ ლომიძის პერსონალური პერსონალური გამოფენა

11 მარტი 2019, 10:49

აღწერა

15 მარტს აჭარის მუზეუმი გიწვევთ თამარ ლომიძის საიუბილეო გამოფენის გახსნაზე ხელოვნების მუზეუმში. ეს არის მხატვრის მეშვიდე პერსონალური ექსპოზიცია, რომელზეც წარმოდგენილი იქნება ბოლო წლებში (2013-2019) შექმნილი სხვადასხვა თემატიკის, მრავალფეროვანი ტექნიკით (აკვარელი, ტიპოგრაფიული საღებავი, აკრილი, ზეთი, ტუში) შესრულებული ნამუშევრები. მხატვრის შთაგონების წყაროს წარმოადგენს ბავშვობის მოგონებები, რომლებიც უკავშირდება მის საყვარელ ბებიას და ბორჯომის ხეობას. ავტორისათვის ასევე ძვირფასია ძველი თბილისის თემა, მისი უბანი. თამარ ლომიძის შემოქმედებაში ბევრია საკუთარი ლექსების მიხედვით შექმნილი ნამუშევარიც, რომლებშიც ნათლად იკითხება მხატვრის პოეტური სამყარო.

თამარ ლომიძემ 1993 წელს წარჩინებით დაამთავრა ქ. თბილისის ივანე ჯავახიშვილის სახელობის სახელმწიფო უნივერსიტეტის ფილოლოგიის ფაკულტეტი. შემდგომ სწავლობდა ასპირანტურაში, ძველი ქართული ლიტერატურის კათედრაზე. პარალელურად, კი თსუ-ში ხელოვნებისა და ჰუმანიტარულ პროფესიათა ფაკულტეტზე სახვითი და გამოყენებითი ხელოვნებისა (ფერწერა) და ხელოვნებათმცოდნეობის განყოფილებაზე.

1993-1996 წლებში მიწვეული იყო ოსლოს უნივერსიტეტში ნორვეგიული ენისა და ლიტერატურის კათედრაზე, სადაც მუშაობდა კნუტ ჰამსუნისა და ჰენრიკ იბსენის შემოქმედებაზე.

1998 წელს თანამშრომლობდა მუნკის მუზეუმთან პროექტით, ,,ქალთა მოტივები ედვარდ მუნკისა და შალვა ქიქოძის შემოქმედებაში“.

2005 წლიდან ეწევა აქტიურ შემოქმედებით მოღვაწეობას.

გამოცემული აქვს 4 პოეტური კრებული (,,მოვედი, ერთი სიტყვა რომ მეთქვა“, ,,ჟამი კვირტობის“, ,,ზღვარი“ და ,,მე სხვა ცას ვეძებ“), და ნორვეგიული ენიდან ნათარგმნი საბავშვო წიგნი ,,კარიუსი და ბაქტუსი“.

იგი არის 6 პერსონალური გამოფენის ავტორი ნორვეგიასა და საქართველოში.

2015 წლიდან ფლობს საკუთარ სამხატვრო გალერეას ,,Nor-Ge ‘’თბილისის ძირძველ უბანში.

გამოფენა გაგრძელდება 30 მარტის ჩათვლით.

გამოფენის გახსნა: 2019 წლის, 15 მარტი, 16:00.

მისამართი: ზ.გორგილაძის 8.

გამოფენის ხანგრძლივობა: 15-30 მარტი, 2019

გამოფენის გახსნაზე დასწრება თავისუფალია!

მომდევნო დღეებში შესასვლელი ბილეთის საფასური:
მოზრდილი 3 ლარი;
სტუდენტი 1 ლარი;
სკოლის მოსწავლე 50 თეთრი;

აჭარის მუზეუმი გელით!

რუკა

დაჯავშნა

გაზიარება

ყველა ღონისძიება

აჭარის ხელოვნების მუზეუმი

ბათუმის არქეოლოგიური მუზეუმი

აჭარის ხარიტონ ახვლედიანის სახელობის მუზეუმი

ახალი ამბები

15 მარტს ხელოვნების მუზეუმში თამარ ლომიძის გამოფენა გაიხსნა

სომხეთის რესპუბლიკის გენერალური კონსული იეღიშე სარგისიანი აჭარის მუზეუმში

ირანის ისლამური რესპუბლიკის კონსული სტუმრად აჭარის მუზეუმში